სკოლის გამოსაშვები გამოცდები მე-12 კლასელებისთვისაც გაუქმდა -ინფორმა საქართველოს პრემიერმინისტრმა მამუკა ბახტაძემ დაადასტურა.
“სკოლებში დამამთავრებელი გამოცდების ჩაბარება არ არის განათლების მიღების მოტივატორი. მინდა გითხრათ, რომ ყველანაირი კვლევის, საერთაშორისო ორგანიზაციებსა და განათლების სხვადასხვა სექტორთან კონსულტაციების შემდეგ გამოიკვეთა, რომ წინა რეფორმის შედეგად ცოდნის ხარისხი არ გაუმჯობესებულა! ამავე დროს, სახელმწიფოსთვის საატესტატო გამოცდების ორგანიზება, მშობლებისთვის კი შვილის სკოლის გარეთ მომზადება, სრულიად არარელევანტური, საკმაოდ დიდი ხარჯია. ამიტომ, განათლების სამინისტრომ მიიღო გადაწყვეტილება საატესტატო გამოცდების მოხსნასთან დაკავშირებით – 2019 წელს მე-11 კლასისთვის, ხოლო 2020 წელს – მე-11 და მე-12 კლასებისთვის. ეს იყო პრინციპულად სწორი მიდგომა, თუმცა ამ საკითხთან დაკავშირებით დარგის სპეციალისტებთან ინტენსიური კონსულტაციების შედეგად, იმისათვის, რომ თანაბარი პირობები შეგვექმნა ყველასთვის, მივიღეთ გადაწყვეტილება, რომ სკოლის დამამთავრებელი გამოცდები წელსვე მოეხსნათ როგორც მე-11, ისე მე-12 კლასებს. აქვე მინდა განვმარტო, რომ წელს აბიტურიენტები უმაღლეს სასწავლებლებში ისევ ჩააბარებენ ეროვნულ გამოცდებს. ეს სისტემა მხოლოდ 2020 წლიდან შეიცვლება”- განაცხადა პრემიერმა.
გაუქმების შესახებ ინფორმაცია 31 იანვარსგავრცელდა. ამ საკითხზე განათლების კომიტეტის თავმჯდომარე მარიამ ჯაში მიხეილ ბატიაშვილს შეხვდა.
2020 წლიდან თითოეულ პროგრამაზე ბარიერს უნივერსიტეტები დაადგენენ